June 25, 2005

Wala na naman akong regalo

Ichut2Ngayong araw ay dineclare ko na walang pasok ang aking mga klase. Aattend kasi ako ng kasal ng aking mahal na kaibigan na si Ichut. Eksakto, conflict sa klase ko, pero siyempre minsan lang darating ang special moment na ito, kaya sa kasal na ako pupunta.

Nagkakilala kami ni Ichut mga dalawang taon na yatang nakakaraan. Yun yata ang first time na may nakaibigan akong bagong teacher. Hehehe. Suplado kasi ako sa mga bagong salta e. Palibhasa, isang buwan akong walang kinausap nung bago ako kaya ako naging suplado. Pero kami ni Ichut, nag-click agad. Nagkataon pa na meron kaming common class na nagbigay sa kanya ng sakit ng ulo (pero sa akin naman hindi, hehehe). Kilabot nga ito ng mga male college students, may nanghihingi pa sa akin ng picture niya.

Sayang nga isang sem lang siya sa FEU. Pero di nawala ang aming communication kahit na dalawang text lang kada sem ang pinapadala namin. Ganyan talaga, mababa ang budget e. Hehehe. Kaya natuwa ako nung natanggap ko ang text na imbitado ako sa kasal. Pinaghahanap nga niya ako ng band na tutugtog sa kasal niya, pero alam niyo naman, alternative, rock, world or ethnic music lang ang mga contact ko, kaya dehins ako nakatulong. Unless ganun ang theme ng kasal niya. :p

In recent memory, ikatlong kasal na itong inattendan ko. As usual, strictly formal, kaya magsusuot na naman ako ng aking barong na multi-purpose (pang-report, pang-accreditation, pang-graduation. etc.). At as usual pa rin, wala na naman akong regalo. Ewan ko ba, madalas kasi pag bumibili ako ng regalo, ang nabibili ko ay yung gusto kong iregalo sa akin. Hehehe. Minsan tuloy di gaanong trip nung niregaluhan. Kaya wala na lang regalo para safe. Matipid pa ngayong panahon ng krisis. :p

May nagtanong tuloy sa akin, "Ikaw, kelan ka ikakasal?" Ang sagot ko naman ay malapit na. Hinihintay ko na lang umuwi (nang permanente) si lalabs Ria sa Japan. :) Excited na ako. :D

Kung may maganda lang akong boses, isang magandang kantang pangkasal na lang ireregalo ko sa aking kaibigan. Pero dahil sa hindi maganda boses ko, ilalagay ko na lang ang lyrics dito:

Sa Piling Mo
sinulat nina Ronnie at Gigi Cordero
inawit ni Bayang Barrios

Langit pag kapiling kita
Ligaya ang dulot mong tunay
Buhat ng makasama ka
Katuparan sa aking buhay
Pangarap ko noon
Ngayo'y katotohanan
Pagsintang tunay
Walang alinlangan

Yakap na kay init t'wina
Hatid ng pag-ibig na alay
Landas ng pag-asa sinta
Sa buhay ay laging patnubay
Haplos nagpapagaan
Sa kalooban
Luhang dumadaloy
Ay kaligayahan

Sa piling mo'y paraiso
Nadarama ng puso ko
Bawat galaw, bawat tanaw
Wagas na pagsuyo's ikaw
Marahil tayong dalawa
Ginuhit na maging isang
Magkaagapay habang buhay
Sa habang panahon magkapiling

Wala nang mahihiling pa
Pag-ibig ay laging makulay
Yamang kang nilikha sinta
Upang ingatan habang buhay
Haplos nagpapagaan
Sa kalooban
Luhang dumadaloy
Ay kaligayahan

Sa piling mo'y paraiso
Nadarama ng puso ko
Bawat galaw, bawat tanaw
Wagas na pagsuyo's ikaw
Marahil tayong dalawa
Ginuhit na maging isang
Magkaagapay habang buhay
Sa habang panahon magkapiling

1 comment:

inah said...

wow sir, ang galing lapit n pla kyo ikasal... pwede po bng invited kmi (feeling cose b?) pero sir gud luck po ah. at muntik akong mapaiyak dun s kanta, ewan k msyado kc me nging emotional ngyon eh lalo n s part n -
Marahil tayong dalawa
Ginuhit na maging isang
Magkaagapay habang buhay
Sa habang panahon magkapiling
- at ung part n -
Wala nang mahihiling pa
Pag-ibig ay laging makulay
Yamang kang nilikha sinta
Upang ingatan habang buhay.
- hay nku, kelan kya kyo kakasal, parang ako ung excited pra s inyo. hihihi.....