June 26, 2005

Mga obserbasyon sa pagsisimula ng 1st Sem 2005-2006

1. Maaga na akong nakakapag-check ng papel. Narecord ko na nga e. Maganda ito para di na ako naghahabol pag patapos na ang klase. Sana tuloy-tuloy na ito.

2. Di na ako gaanong apektado pag may bumabagsak sa exam. Mabuti kaya ito o masama? Pag sinusulat ko kasi ang grade na "50" ngayon, parang di na ako gaanong concerned kung paano makakabawi yung estudyante sa grade niyang mababa.

3. Di talaga ako bagay magturo ng 6-unit subject na tatlong oras. Sinusunod ko ang syllabus. At sa totoo lang, natatapos ko ang lecture maximum na ang dalawang oras. Ano pa kaya ang kailangan kong gawin? Sayang naman kasi ang binayad na tuition ng mga estudyante.

4. Nahihirapan akong magturo ng basic accounting. Ibang klase pala kapag introductory course ang hawak. Nasanay na kasi ako sa mga subjects na pang-fourth year. Masyado yata akong mabilis.

5. Bumabalik na ako sa dating pananamit. Ilang linggo na lang siguro ay mawawala na uli ang medyas. :p

6. Gumagana ang aking stage presence. Ang pagtuturo talaga, 30% mastery, 70% acting. Buti na lang nagkaroon ako ng training sa stage nung nasa Kontra-Gapi pa ako. :)

7. Dapat taasan ko pa ang pangarap kong mararating ng mga estudyante ko. Connected sa item number 2, parang madali ko na lang natatanggap na magkakaiba ang level of intelligence ng mga estudyante ko. Kanina ko pa pinag-iisipan ito, at sa tingin ko'y dapat balikan ko ang dating paninindigan na may talino naman ang lahat ng estudyanteng hawak ko. Walang estudyanteng "mahina." Medyo inassume ko na lang kasi na kaya nilang sumabay sa akin. Dapat maging mas sensitive nga ako kung nakakasabay nga sila o hindi.

8. Ganunpaman, namulat na ako na merong estudyanteng tamad. Maraming estudyanteng tamad. At hindi sila dapat hinahayaang maki-ride na lang. Lagot sa akin ang mga tamad na estudyante ngayong semester.

1 comment:

michelle cruz said...

sir,,.ibig ba sbihin nito masungit ka na?