June 25, 2005

Immaterial naman

materiality - n : relevance requiring careful consideration - Wordnet 2.0

Ang materiality ay isang konsepto na tinuturo sa aming mga accountant. Ayon sa konsepto na ito, bilang mga manager ng information, dapat marunong ang mga accountant na mag-distinguish sa material at immaterial information. Ang information ay material kung ito ay may quality na kayang baguhin ang desisyon ng isang decision-maker na gagamit ng information.

For example, kung merong P1 billion na assets ang kumpanya, kailangan ko pa bang hanapin o i-account ang P1 na hindi namin makita? Malamang hindi na dapat, kasi immaterial na iyon. Kung may cash sales ng P1 million sa isang araw, kailangan ko pa bang i-report na gain pag lumabas na may sumobrang limang piso sa nakolekta ngayon araw?

Dahil sa materiality criterion, nakakapag-focus ang isang accountant sa bigger picture. Ang oras kasi ay limited lang, at dapat ginagamit ito sa mga mas paki-pakinabang na bagay. Lalong importante ito sa isang auditor, na may time constraint at nangangailangang gumamit lang ng sample sa kanyang pag-audit. Kailangan, mga material information lang ang io-audit niya dahil kung lahat ay iimbestigahan niya, hindi niya matatapos ang kanyang trabaho.

Pero ang masama, ginagamit ang materiality criterion na ito para gawing palusot sa paggawa ng mga di magagandang bagay. Halimbawa, maraming mga kumpanya ang nagbabawas ng kanilang dine-declare na taxable income sa dahilang immaterial naman ang portion na ibinabawas nila. Nandyan na ang sabihing ano ba naman ang epekto ng di niya pagbabayad ng tamang buwis samantalang may kung ilang milyong Pilipino at mga korporasyon pa naman ang magbabayad ng buwis? Immaterial naman ako.

Ginagamit rin ang materiality excuse sa kaso ng jueteng. Ano ba naman daw ang masama sa jueteng, e piso lang naman daw ang tayaan dito? Wala naman daw mabibili ang piso kasi immaterial na ito.

Ngayon, ginagamit na rin ang materiality excuse sa kaso ng pandaraya ni GMA noong eleksyon. Sabi ng mga taga-admin tulad ni Rep. Joey Salceda at ni Mike Defensor, sige, sabihin nang nandaya si GMA sa mga lugar na sinabi sa tapes, pero kahit "ibigay" pa ang boto na ito kay FPJ, si GMA pa rin naman ang mananalo kasi malaki ang lamang niya. Immaterial naman ang dami ng mga boto sa lugar na ito at hindi mababago ang resulta ng eleksyon.

Nakakalungkot at kumakalat na ang ganitong pag-iisip. Ibig sabihin ba nito, kapag may nahuli akong estudyante ko na lantarang nangongopya, hindi ko siya dapat ibagsak kung ang number of items na kinopya niya ay hindi material enough para bumagsak siya?

2 comments:

gary said...

akin lang, walang materiality concept sa pandaraya. meron ba?

Paeng said...

^ wala. pero kung magsalita sina Mike Defensor at Joey Salceda, parang sila ang may-ari ng boto na kahit ipamigay pa nila ay di naman daw mattalo ang manok nila.