June 18, 2005

Mind games

Sinong papalit?

Yan ang tanong na ibinabandera ngayon ng administrasyon. Pati nga ako, nagtanong niyan. Pero napaisip ako, brainwashing lang itong nangyayari. Para lang itong yung "lesser evil" propaganda na ipinakalat noong nakaraang eleksyon.

Sabi, wala naman daw credible na pwedeng ipalit kay GMA. Ibig ba nilang sabihin, sa 80 million na Pinoy, wala na tayong makikitang mas mabuti pa kay Gloria?

Sabi nila, pag pinababa si GMA ay magiging masama na ang reputasyon natin dahil palit tayo nang palit ng leader. Ibig ba nilang sabihin, mas maganda na ang maging reputasyon natin ay isang bansang pumapayag na pamunuan ng isang pangulong hindi namin natin binoto at sa halip ay nandaya para makuha yung kanyang posisyon?

Sabi nila, pag nag-People Power na naman, baka raw tayo maging Banana Republic. E kung nagpi-People Power naman tayo para magpatanggal ng mga corrupt at criminal na official at ang goal ay para ultimately, malinis natin ang sistema, ano naman ang masama doon?

At sabi nila, kung paaalisin si GMA sa pamamagitan ng popular uprising, mangingibabaw na ang mob rule sa Pilipinas at hindi na gagalangin ang ating electoral process. E kung papayagan naman natin na ang mamuno sa atin ay isang lantarang mandaraya noong eleksyon, di ba mas malaking kabastusan ito sa electoral process?

1 comment:

inah said...

tama, tama, tama...