December 25, 2004

Maligayang Pasko!!!

"Pasko na naman, o kay tulin ng araw..."

Eto ako sa bahay, nakaburo na naman sa tapat ng computer. As usual, wala uli akong pinamimigay na regalo ngayong Pasko. Am I being a Grinch? Do I hate Christmas?

Hindi naman. Sa totoo lang, gustong gusto ko ngang nagpapasko. Parang lahat ng tao, bumabait. Lahat nagmamahalan. Lahat nagpapatawaran ng kasalanan at nagkakabati. Lahat nagiging thoughtful at nagbibigayan ng regalo.

Pero ito na rin siguro yung dahilan kung bakit minsan naiirita ako. Bakit kailangan pang mag-Pasko para maging mabait ang mga tao?

Kailangan pang magpasko para magkaroon ng ceasefire ang NPA at ang militar. Kailangan pang mag-Pasko para magbaba ng presyo ang mga shopping malls dahil meron daw Christmas sale. Kailangan pang mag-Pasko para may ibigay na mataas na sweldo (Christmas bonus daw). Kailangan pang mag-Pasko para maprioritize ang naghihingalong local movies over foreign movies from Hollywood.

Kailangan pang mag-Pasko para magkabati ang mga nag-aaway na pulitiko at para mag-chikahan sa kanilang mgha private sosyalan party.

Kailangan pa ring mag-Pasko para magtulong-tulong ang lahat upang magkaroon ng mga charity projects na tutulong sa mahihirap. Christmas daw is a time of gift-giving kaya lahat namimigay. Noon lang yata nila napapansin na sobra-sobra pala ang pagmamay-ari nila at di naman pala nila kailangan ng sobrang kayamanan.

Oo nga pala. Nag-roll back ng presyo ang mga oil companies. Christmas gift daw.

Marami nagsasabi sa akin, nasisira ko raw ang "spirit of Christmas" dahil sa tendency ko na hindi sumabay sa bigayan ng mga regalo. Napaka-anti social ko daw.

Pero yun nga ba ang "spirit of Christmas"? Ang magbigay ng regalo na pag normal na araw e di mo naman iisiping ibigay? Ang umalala ng mga tao na pag normal na araw e di mo naman aalalahanin? Ang "magmahal" ng mga tao na pag normal na araw e di mo naman mamahalin?

Pasko na. Sabi sa kanta, ito nga ang "tanging araw na ating pinakamimithi". Yan ang hirap, nagbibigay kasi tayo ng araw kung kelan tayo magiging mabait. Kung kelan tayo magiging mapagbigay. Kung kelan tayo matutututong magmahal. Sana wala na lang tayong araw na pinakamimithi. Sana araw-araw, minimithi natin na maging mabait, mapagmahal at mapagbigay. Hindi yung nirereserve lang natin ang magandang side natin kapag Pasko lang.

"At magbuhat ngayon, kahit hindi Pasko ay magbigayan..."

Merry X-mas sa lahat. At oo, wala pa rin akong ibibigay na regalo ngayong Pasko. Kasi di naman ako naghihintay ng Pasko para mamigay ng regalo. :p

2 comments:

Anonymous said...

IBA K TLAGA SIR! DTI NRRNIG Q LNG NAME U S MGA FREND Q N BSA COOL K DW, MABAIT AT MY 2PAK! pero after q mbasa mga nkapost d2 s websyt u grabe an lalim u pla n tao kla q un n un kung ano dscriptn nla pero iba k tlaga! takbo k kya pagka pecdnte!!!hehe pero 220 mga cnbi mo bkit nga b hntyin p an pasko pra lng mging mabait nd mpgbgay??ah ewn mga pinoy kc plastic khit nga wla n pera msbi lng n ngcelebr8 ng pasko khit ipangutang an panhanda at pangbigay!AYYYY BUHAY!!!!

Paeng said...

ganun? sikat na ba ako? hahahaha!!!

di naman ako malalim. sa tingin ko lang, dapat naman lahat ng tao nag-iisip tungkol sa ganitong mga bagay. para magkaroon ng purpose ang kanilang buhay.

heniweyz, pakilala ka nga pala para masaya. :)