October 1, 2006

Ang Wage Slave at si Bagyong Milenyo

"Wage slavery is a term used to refer to a condition in which a person is legally (de jure) voluntarily employed but practically (de facto) a slave. It is used to express disapproval of a condition where a person feels compelled to work in return for payment of a wage...In terms used by critics of capitalism, wage slavery is the condition where a person must sell his or her labor power, submitting to the authority of an employer merely to subsist." - Wikipedia entry on wage slavery

Habang papalapit si Milenyo sa Metro Manila, si Juan na taga-Sampaloc na nagtatrabaho sa Ayala ay nagkukumahog para pumasok sa opisina. Nag-aalala siya na baka mahuli sa 8 am / 9 am na time in. "Naku, baka di ko na makuha yung P2,500 na perfect attendance award!" sabi ni Juan. Buti na lang walang pasok ang kanyang mga anak, wala siyang ihahatid sa eskuwela. Dumiretso na siya agad sa opisina, mahirap pa naman magbiyahe pag malakas ang ulan dahil matrapik.

Nang magsimula nang magpakita ng bangis si Milenyo, nagdalawang isip ang employer ni Juan kung pauuwiin sila. "Pauuwiin ko ba sila para makatipid sa babayarang suweldo? Kungsabagay, nandito na rin naman sila, e di pagtrabahuhin na!" Nang mamatayan ng ilaw, binuksan ang generator. Nang magmalfunction ang generator sa lakas ng bagyo, binuksan ang venetian blinds at nagsindi ng kandila. Yun nga lang, di na mabuksan ang mga computer. Kaya nakipagtitigan na lang si Juan at ang kanyang mga kaopisina sa kanilang mga monitor.

Nagdalawang isip rin si Juan kung uuwi na. Madalas kasing bumaha sa lugar nila. Pero kahit naman kasi tangayin na ng hangin o baha ang pamilya niya, hindi puwedeng umuwi kasi di pa naman nagdedeklara ng half day. Dapat patuloy pa rin siyang makipagtitigan sa monitor kundi mababawasan ang kaniyang suweldo. At sayang naman yung perfect attendance, P2,500 rin yun!

Bandang alasdos ng hapon ay nakatanggap si Juan ng text, "Pa la ng bubong. Lumipad n!" "K lng yan anak, syng nmn hlfday pg uwi ako. Hwkn u n lng ung kisame pra d rin lparin. Kumain n kau?" ang sagot niya. Kaya lang di na natanggap ng anak niya ang message kasi Message Sending Failed. Walang signal, wala na rin kasing kuryente yung mga cellsites ng Smart at Globe. Nagpalit ng Sun na SIM si Juan kasi yung cellsite ng Sun meron daw kuryente. Pero wala pa ring signal, kasi nga naman Sun yung network.

Pagdating ng 6 pm, si Juan ay nastranded at di na makauwi. Ang init! Ang dami dami kasi nilang mga di pinauwi na nasa kalsada. Aakalain mo tuloy may people power sa Ayala. Di naman siya makapagovernight sa opisina kasi walang kuryente. Madilim na kasi pinatay na rin ang mga generator sa mga katabing building. Maliban dun sa SGV building na nakasindi pa rin ang mga ilaw at mukhang walang balak matulog ang / magpatulog ng mga tao.

Malalim na ang gabi nang makahanap si Juan ng taxi. "Sa Sampaloc lang po ako," sabi niya. "Pakidagdagan na lang po ng P200," sagot naman ng driver na sweet lover. Putik, halos maubos lang din yung kinita ni Juan sa araw na iyon. Kungsabagay, may P2,500 naman siya kung perfect attendance.

Nang sumunod na araw, devastated ang Metro Manila. Walang kuryente. Nakahambalang ang mga puno, poste, billboard at usisero sa kalye. Putol ang mga linya ng telepono. Mahina pa rin ang signal ng celfone. Lubog pa sa baha ang maraming mga lugar. Madaming mga bahay na umangat ang bubong, lundo ang kisame, basag ang bintana, nabaon sa lupa, napunta sa kabilang ibayo...

At ang unang tanong na pumasok sa isip ni Juan paggising ay "May pasok kaya? Baka maabsentan ako!"

2 comments:

Anonymous said...

wage slavery nga nman..tama ka sir paeng! :) idol nga pla kita.. hehe. lagi ko binabasa blog entries mo.. :) astig! -loren

Anonymous said...

A KID,wedding dresses returning without wedding dresses protection wedding dresses from the pasture,wedding dresses was pursued by a Wolf. wedding dresses Seeing he could not escape, he turned round, and wedding dresses said:I know, friend Wolf,wedding dress designers that I must be your prey,wedding dress designers but before wedding dress designers I die I would ask of wedding dress designers you one favor fast wow gold you wll play me a tune world of warcraft gold to which I may dance." The Wolf complied, and while he was piping and the Kid was dancing,wedding dresses some hounds hearing the sound ran up and began chasing the Wolf. cheap aion kinah Turning to the Kid, he said,flyff penya "It is just what I deserve;wedding dresses for I, who am only a butcher,should not have turned piper to please you. archlord money In time of dire need, clever thinking is keyor Outwit your enemy to save your skin.