July 26, 2004

Mag-exercise tayo tuwing...gabi...sa may Beata / aka Magaan ang Taxi na walang gas...

"Ay, naubusan tayo ng Gas..."

Madalas ako nagtataxi pauwi pagkatapos kong ihatid ang aking lalabs na si Ria.  Tonight is not an exception.  Medyo tinatamad kasi ako, tapos umuulan pa kaya talagang hindi ko na inisip na mag-jeep.  At sakto nga, may dumaan na AVIS taxi na aking pinara at pumayag naman na isakay ako hanggang sa aming lugar sa Paco...

Masayang kakwentuhan yung driver, kengkoy.  Madaldal lalo na pagdating sa kanyang mga "exploits" bilang isang driver ng bus at truck.  Kahit nga napamali kami ng daan at nasigawan ng pulis, ok lang.  Masaya kasi ang usapan...

Malapit na kami sa tuktok ng Beata flyover nang bigla na lamang huminto ang taxi...

Wala nang gas...

Naipit kami.  Bihira ang dumadaan kaya walang makatulong sa amin.  Nakiusap ang driver na itulak namin ang taxi kasi baka gumulong pababa.  Sige, yun lang pala...

E pataas nga pala yung flyover.  Patay...

Pagkatapos ng dalawang minutong kahinga-hingal na pagtutulak pataas ng isang kotse, nakaabot rin kami sa tuktok.  Pero hindi pa pala dun natatapos.  Hindi pala kami pwedeng maiwan sa flyover...

Kailang itulak namin ang taxi hanggang sa parte ng flyover na pababa na.

Hindi ko matanaw ang dulo ng flyover...

Hindi ko matanaw ang dulo ng flyover...

Hindi ko matanaw ang dulo ng flyover...

Ayan natanaw ko na.  Puno na rin ng hangin ang utak ko.  Umuulan (ambon) pa.  Ang lakas ko pala.  Ayan, ayan, pababa na...

Sampung minutong pagtutulak.  Gusto ko nang magpagulong pababa ng flyover...

Buti na lang at di kami natulad sa Greek character na si Sisyphus.  Mabait talaga si lord...


No comments: