August 4, 2004

(Aktib)ista: A Postscript

Well, my initial post on the current state of activism has elicited a lot of comments. I'm quite happy with the discussion it generated, although I may have sounded quite harsh to the "Tibaks", specially when it comes to their "lack of alternative solutions". Well, that's not exactly what I meant. I'll expound on that by replying to one anonymous comment:


Hi paeng! yung alternative ay mahabang paliwanagan yan. i would recommend that you discuss it with your activist friends which you say you have lots of. but as example, sa economy, key programmatic components are agrarian reform and building of state-owned industries. two seemingly safe terms pero malawak yan. the idea on agrarian reform, for example, is that land will be distributed equitably sa tillers, sa farmers. what we have under carp isnt such kundi strengthening ng control ng landlords over their lands. sa alternative program ng mga aktibista, ididistribute talaga ang lupa similar to what happened before capitalism ever took place. i could suggest to you books that expound or elaborate or enlighten on this if you're really interested. point lang here is that marami kasing umaatake sa mga aktibista nang hindi naman nila talaga alam kung ano ang sinasabi nila. as one here said, there is this "failure (daw) to elaborate on the alternative they offer."

tibak na ko sa up noong 1991, these are the same prehistoric arguments na nire-raise against us noon. (at eto pa rin hanggang ngayon?! jeez and i thought we're already past the post-postmodern timespace.) but im in no way blindly defending activism. i have been there and i know that there are weaknesses, which i guess and i still hear, are adequately being addressed naman. i would admit, i bolted activism because of these weaknesses i speak of. lagi namang struggle yan. lagi namang may debate at pagtatalo. ako ang problem ko, di ako nakatagal sa mga pagtatalo aside from hindi ko malabanan ang mga burgis na trippings ko. pero sincerity? alternative? the activists have those. madali lang magsabi na wala silang alternative.

For the record, I am informed about the "alternatives" talked about in this comment. In fact, one of my favorite reads is The Anti-Development State by Walden Bello. In the first chapter of the book, Bello discusses in detail the state of Philippine agrarian reform and the failures of CARP as an equitable land-distribution program. It's a very enlightening read. It may be a bit harsh specially when dealing with the programs of some well-meaning neo-liberal economic managers like Cielito Habito, but Bello's arguments were so well-presented that one would truly understand where he's coming from. To anybody who's looking for a well thought-out analysis of the Philippine post-Marcos economy, this is a must-read.

I think mr. anonymous and I did not "connect", and thus, the misunderstanding. I apologize for being quite "vague" when I said that activists do not have an alternative solution. I agree with his proposal for equitable agrarian reform and the formation of state-owned industries. (subject to some qualifications, of course) What I'm asking for, though, is for the activist sector's proposal as to how these ends could be achieved. That's the "alternative solution" that I'm asking for. How would we achieve agrarian reform? By protests? Isn't there another way? Is protesting to lobby these causes "active" enough? That is the point of my criticism.

Solusyon, wag lang demonstrasyon.

Personally, I think the activist movement should open themselves to other means to achieve their envisioned ends. Demos, protests and lobbying against the government presuppose two things - 1) that government action is a necessary component to the solution of our problems and 2) that public protest is an effective tool in persuading government officials to do what the public wants them to do. It's a highly-centralized way of thinking - putting too much importance on the government's role in solving societal woes. This is a hopeless case, specially with a self-serving and corrupt government like ours. I believe that activists should instead make their constituents take a more proactive stance, because ultimately...

ANG SOLUSYON AY NASA ATING MGA KAMAY

Take the case of the UP Charter change issue. For years, UP, just like the rest of the public educational institutions in the Philippines, has been neglected by Congress as the budget for education has been...minimal. It created a problem - the quality of UP education has gradually deteriorated because of inadequacy of funds necessary to make the university competitive compared to other higher educational institutions in the world.

As a solution, a change in the charter of the University has been proposed. The revised charter would enable UP to be more independent and autonomous when it comes to raising the source of funds. That means UP would have control over the use of its resources and could engage in profitable ventures such as leasing out of lands and entertaining contracts for private research.

Naturally, the activists cried "Foul!" Their argument is that adapting the revised UP charter would only encourage our corrupt government officials to abandon the education sector. A very sensible argument, actually, but there's one thing that should be noted...

OUR CORRUPT GOVERNMENT HAS ALREADY ABANDONED OUR EDUCATION SECTOR

As an alternative to the UP Charter Change, activists offered that we should instead engage in more lobbying, more protests, more rallies and more public pressure against our government. But then again...

THE GOVERNMENT WOULD NEVER LISTEN

THE GOVERNMENT WOULD NEVER EVER LISTEN

No matter how many voices we could muster, how could we expect a deaf government to listen to its constituents? If the government would not give us the money we need, why not raise it ourselves? If the government is in cahoots with the greedy landowners, why not take agrarian reform "into our own hands"?

Activist protests are not active enough because under that set-up, the ultimate power to solve our problems still lies with our government. FUCK THE GOVERNMENT!!! Why should we entrust that power to self-absorbed crooked politicians? If we want to be really really active, stop lobbying. Stop protesting. Start acting! Let us act to solve our problems by ourselves without asking intervention from a government that does not care in the first place. That, my friends, is what I define as true activism.

ANG SOLUSYON AY NASA ATING MGA KAMAY!!!

And that's my postscript.

10 comments:

nanoy said...

tama siguro ang iyong punto hinggil sa hindi lang dapat puro demonstrasyon. pero di ako sang-ayon sa ideya ng pagsawalangbahala sa mali ng gobyerno.

kung ang nais mong iparating ay umaksyon ang mga tibak sa pagpapalago ng kabuhayan ng mga tao, marahil ay naipagkakamali mo sila bilang mga NGO.

kung isasantabi ang pamahalaan, mawawalan ng saysay ang layunin ng mga tibak na maitama ang mali sa lipunan. hindi sa kumakampi ako sa mga tibak, ngunit may mali din sa pagpasan ng tao sa kung ano ang nararapat na gawin ng mga iniluklok ng mga tao sa pwesto.

ang mali siguro ng mga tibak ay hindi ang pagpuna sa gobyerno, kundi ang maling tuon ng pagmulat sa mga tao. sa pamamagitan ng mga rally at educational discussions, naipapamulat nila sa mga tao ang KAMALIAN ng lipunan. ngunit nakakalimutan nila na ipakita kung ano ba ang TAMA. sa aking pananaw, hindi sapat na malaman ng mga tao na ang tamang lipunan ay ang kawalan ng mga kamalian sa lipunan ngayon. hindi naipapakita ng mga tibak na MAY MAGAGAWA ANG MGA TAO, o tulad nga ng sinabi mo, na NASA KAMAY NATIN ANG SOLUSYON.

at ano ang solusyon na ito? para sa akin, hindi ito pagkilos natin para makagawa ng tama sa patuloy na maling lipunan; sa halip, ito ay PAKIKISANGKOT upang maging tama ang lipunan.

PAKIKISANGKOT, at hindi pagpuna. isa kasi sa hindi ko maintindihan ay kung bakit andaming mga magagaling na lider galing sa grupo ng mga tibak, ngunit di naman ginagamit ang kanilang kakayahan upang mamuno sa lipunan. bukod sa party-list, tila walang tumatakbo para sa mga pwesto sa pamahalaan. may narinig ako minsan na baka daw magumon sila ng bulok na sistema, pero kung yun ang dahilan, parang inamin na rin nila na walang kabuluhan ang kanilang pagmamartsa dahil wala naman talagang magbabago.

may nakausap ako minsang tibak, at nasabi na rin niya sakin ang iyong inihayag na opinyon ngayon. ang tawag daw dyan ay "REALISM". ang pagtanggap na "wala namang mangyayari, gawin mo na lang kung ano yung dapat nilang gawin."

sa kung ano ang tama at mali, wala pa ako sa tamang posisyon para sabihin. kapos pa ako sa kaalaman. pero sa tingin ko, ang "REALISM" at ang "ACTIVISM(nila)" ay dalawang EXTREMES, at ang maganda ay ang kanilang pagsasanib, o ang MEANS. kung paano ito maaatim, hindi ko pa alam.

huli na. hindi ako pabor sa paniniwala mo tungkol sa UP Charter. siguro kung babasahing mabuti, nagsasaad nga ito ng pagbebenta ng lupa, ngunit higit pa ito doon.

una, tungkol sa pagbebenta ng lupa, tutol ako. university ang UP, at nararapat lamang na gamitin ang lupa nito para sa EDUKASYON. madami pang larangan na maaaring ituro, madaming kasalukuyang larangan na kailangan pang pag-ibayuhin. gamitin na lang ang mga lupa para magtayo pa ng mga makatutulong sa pag-aaral.

pangalawa, sinasaad nga ng bill na ito ang posibilidad ng pagkakaroon ng STFAP Bracket 10. full payment. waw. mas lalong di makakapag-aral sa UP ang kaklase ko.

huli, alam mo naman siguro ang sitwasyon ng ibang paaralan na nakokontrol ng mga nagiinvest na negosyante. naniniwala ako dun sa kalagayan na iyon. ayaw ko iyong mangyari.

marahil itatanong mo: san kukuha ng pera? sasagutin ko yan sa pamamagitan ng isa pang tanong: hahayaan mo bang manatiling mali ang mali?

yun lang muna!

Paeng said...

Kapatid, ang paniniwala mo sa UP Charter change ang nais kong punahin.

-----------
Una, wala ni isa, ni isang probisyon dun na nagsasabi na magbebenta ng lupa ang UP.

Magpapaupa ng lupa ang UP, yun ang pwede. SOBRA ANG LUPA NG UP. sobra. nakikita mo lahat ng damuhan sa Commonwealth Avenue? sa UP lahat yun. Sige, gamitin daw sa edukasyon. Anong itatayo mo duon? Hindi ba pwedeng gamitin na lang muna lahat ng lupa sa loob ng UP bago gamitin yun? Hindi ka ba naluluwagan sa lupa sa loob ng UP? Nakikita mo yung kinatitirikan ng Paskong Pasiklab na may ABS-CBN something? lupa ng UP yun. hanggang duon pa sa may malaking itlog na matatanaw mo sa malayo.

kulang pa ba ang lupa na ginagamit ng UP ngayon?

Kung kunyari, magttayo ka ng paid billboard sa lupa ng UP, masama na ba yun? sayang ba yung lupang kinatirikan ng billboard na yun at ginamit na lang sana sa edukasyon?

bakit hindi na lang natin ipamigay yung lupa sa mga walang matirhan?

may mga nakatayong squatter sa ilang lupa ng UP. bakit hindi idemanda ng mga tibak na paalisin ang mga squatter para magamit yung lupa na kinatitirikan nila para sa edukasyon?

----------
alam mo ba kung anong departamento lang sa buong UP ang tumututol sa charter change? yung Filipino department lang at yung mga members ng CONTEND. minumura na ng mga ibang faculty ng UP yang pagharang-harang sa charter change na yan. alam mo ba kung ano ang nagiging resulta ng pagpilit wag palitan ang charter?

Ang mga magagaling na teacher napipilitan nang lumipat sa ibang school. kasi doble ang sweldo duon. Ang propesor sa DLSU, umaabot ng P30,000 isang buwan ang sweldo. si Ria, P11,000.

Walang perang pang-research. Kaya nangangamote tayo sa Asya.

Walang pera para pampa-aral ng mga faculty.

Walang pera para maitayo ang mga building.

Walang pera para pambili ng laboratory equipment.

Ang pag-commercialize ng education ay masama. totoo yun. pero ang UP charter change ba ay commercialization? kapag may isang pioneering na pribadong company tulad ng Jollibee na walang pera para magtayo ng sariling research and development department, masama ba na pumunta siya sa UP para konratahin ang mga matatalinong faculty nito upang gumawa ng R&D para sa kanya? e kung dahil sa R&D na ito, may mabubuong produkto na kayang mag-compete globally, masama ba yun?

Commercialization ba yun?

Mas maganda ba na "piratahin" na lang ng mga pribadong kumpanya ang mga matatalinong faculty ng UP dahil hindi nila pwedeng kontratahin ang serbisyo nitong mga matatalinong taong ito habang sila'y empleyado ng UP?

----------
yung sa kaklase mo na hindi makapag-aral dahil sa STFAP bracket 10, isa lang ang masasabi ko:

kung hindi siya mayaman, hindi siya papasok sa bracket 10.

actually, palalawigin ko pa.

kung hindi siya mayaman, ni hindi siya makakapasok sa bracket 9.

wala siyang pampa-aral pero ang income bracket ng kanyang pamilya ay Bracket 9? naku, sasabihin ko sa iyo, hindi sa UP STFAP ang problema.

May kilala ako, pam-bracket 8 ang family income. Pero nakakayang magpaaral ng dalawang anak sa pribadong kolehiyo...

May kakilala nga akong taxi driver. Tatlong anak sa kolehiyo ang kayang pag-aralin.

Kaya ang tanong, nasa UP STFAP ba ang problema?

Pag nakikita mo yung mga tinginingining na dala-dalawa ang kotse na nag-aaral sa UP, ok lang ba sa iyo na pareho lang ang tuition na binabayad niyo? di ba dapat lang na mas mataas ang bracket nila?

Yung mga milyonaryong estudyante ba, dapat nakakatanggap pa ng subsidy sa kanilang education, gayong kayang-kaya naman nilang mag-aral sa eskwelahang P60,000 a sem ang tuition?

Di ba paraang ng pagredistribute ng income ang pagsingil nang mas mataas sa mga mayayamang estudyante?

pag-isipan mo.

----------

Bilang pangwakas, bakit mo ako tinatanong na hahayaan ko bang manatiling mali ang mali? hindi ko sinasabi na dapat tigilan ang paghingi sa mas mataas na state subsidy sa education. yung budget allocation, dapat talaga itong itama. pero ang pinakamalaking mali kasi ng "tibak", pinepresenta nila ang isyu ng UP charter change bilang isang "or" situation. Either Charter Change or Greater State Subsidy. Mali. Hindi magkakontra ang dalawang alternatibong ito. dahil pwede namang Charter Change AND Greater State Subsidy, di ba?

Isa pa nga pala. Sa ASYA, tayo ay iisa sa iilan na premiere university ng isang bansa na umaasang buong-buo sa state subsidy lamang. Bakit kaya?

Mali ba silang lahat?

O baka naman tayo ang mali?

Pag-isipan mo.

Anonymous said...

mahaba ang artikel. mahaba din ang koment nyo. hindi ko na kinayang basahin lahat... baka mamaya... yung tungkol lang sa pagpapasan sa tao ng responsibilidad kesa itama ang mali ng gobyerno... yung sa commercialization ng UP, pwede nating i-compare sa isang mahirap na pamilya. ang parents bilang gobyerno at ang mga anak bilang ang UP. kung ang tatay mo ay lasenggo at ang nanay mo ay sugarol at 10 kayong magkakapatid, hindi pa nakatapos ng pag-aaral, may mga anak na magagalit sa mga magulang dahil tinatalikuran nito ang mga responsibilidad nila... magkakaroon ng galit at sya mismo hindi magiging productive bilang isang individual. at meron din namang anak na tatanggapin na lang ang sitwasyon ng mga magulang nila at mag-aasume ng parental role para may patunguhan naman ang buhay niya at mga kapatid nya. mas mnakakakitaan ng results yung gagawing pag-aako ng responsibilidad kesa sisihin ang mga magulang at pilitin silang baguhin :)

Anonymous said...

Sabi ko hindi ko na babalikan ang blog na ito dahil inaasahan kong masasagot naman ng mga tibak mong kaibigan ang mga sarili mong tanong. Pero dahil makulit ako at natotorete na ko dito sa opisina sa marahil pang3756 na pagtugtog ng "A Little Bit" ng MYMP, kaya heto ulit ako at "anonymous" na sumasagot sa iyo/inyo.

1.

Sabi mo: "What I'm asking for, though, is for the activist sector's proposal as to how these ends could be achieved." "By protests? Isn't there another way? Is protesting to lobby these causes "active" enough? That is the point of my criticism." "Solusyon, wag lang demonstrasyon."

Sasagutin ko yang tanong mo sa pamamagitan ng paggamit ng sarili mong post. Heto yun: "Activist protests are not active enough because under that set-up, THE ULTIMATE POWER TO SOLVE OUR PROBLEM STILL LIES WITH OUR GOVERNMENT." Pansinin mo na binold ko yung huling phrase ng entry. Una, para ipakita sa iyo na magulo pa ang isip mo dahil sa dulo ng parehong paragraph mo heto ang sinabi mo: "Let us act to solve our problems BY OURSELVES without asking intervention from a government that does not care in the first place." Pansinin mo na may nakabold diyan dahil IKAW ang may gustong bigyan ng emphasis ito. Ano ba talaga kaibigan? Government or Ourselves? Make up your mind.

Para matulungan ka, pupunta na ako sa mga susunod kong punto. Ikalawa, may half-truth naman ang obserbasyon mong gubyerno ang arbiter sa ating mga problema. Pero half-truth lang kasi hindi ako naniniwala na THE ULTIMATE power lies with government. Kung ang gubyerno ay hindi itutulak ng kanyang mamamayan na gumawa ng tama at kapaki-pakinabang, ay sus, asahan mo nga mangungurakot lang ang mga yan. Remember Martial Law? Erap? Kaya sa kabilang banda, magiging tama na ngayon ang BY OURSELVES na proposal mo. In fact, agree ako sa iyo na tayo, ang mamamayan, ang siyang may ULTIMATE POWER to improve our lies. Problema lang, marami sa mamamayan ang dito'y hindi nakakaalam. Yan ang malaking problema na tingin ko (at alam ko) na inaasikaso ng mga tibak.

Ikatlo, yung obserbasyon mo ng ultimate power which I think is a half-truth (ulit) ay galing kasi sa pagsusuri mo ng isyu ng Charter Change ng UP. You could go on a defensive and say that it's merely a Freudian slip but I tell you, somehow may bahagi sa utak mo na nakakarealize at nagsasabi na yung problema ng Charter ng UP is a matter that will ONLY be solved by government. Oo na, walang kwenta talaga ang gubyerno. Pero isipin mo: kung ang proposal mo ay let's do the middle ground of having Charter Change and Greater State Subsidy at the same time (Which I think is the position ng mga tibak kaya't I'm shocked and surprised to read na para bang ikaw ang nakadiskubre nito. Have you read CONTEND's position paper on the issue carefully? Hindi ako CONTEND at sobrang tagal na kong wala sa UP pero nuong panahon namin na sumulpot ang isyu na ito, we (the tibaks as organized sa mga grupong tulad ng CNS, LFS, CSJP, etc.) were also for changing UP's archaic charter albeit with the condition na it would not result into the commercialization and privatization of the State U.), ano sa tingin mo ang magagawa ng BY OURSELVES mo? Mapapalaki nyo ba ang budget ng UP? Mababago nyo ba ang Charter nito? Ano yan? Paano? Ano ang gusto nyong mangyari? MagDiliman Commune part two kayo? E kung ganyan, hindi ba't kontra yan sa paniniwala mong "Solusyon, wag lang demonstrasyon." Iassume natin na narealize ng lahat ng estudyante ng CSSP na they could take matters into their own hands, by themselves ika mo, paano nyo palalakihin ang budget ng UP? Mag-aambag kayo ng piso-piso araw? Magpaparaffle? Papagreunionin at papagconcertin ang Eraserheads? What exactly is your idea of "alternative solutions" na by ourselves ang nature at hindi lang demonstrasyon? Kung ganito mang klase, e di ibig sabihin wala na nga tayong ABSOLUTONG pakialam sa gubyerno at kahit kurakutin na nila ng todo-todo ang kabangyaman ng bansa ay dedma na lang tayo kasi nga WE DONT CARE ABOUT THE GOVERNMENT ANYMORE and besides WE ARE ABLE TO RAISE UP'S BUDGET ON OUR OWN BECAUSE OF OUR CREATIVE AND STUPENDOUS "ALTERNATIVE SOLUTIONS"? Hello??!!! What planet do you live in dude??!!! Hindi kaya stupid at sadyang kaengot-engotan naman ito at hindi stupendous? Pag-isipan mo/nyo. Pag-isipan mong/nyong mabuti.

Ikaapat, huwag na huwag mong iisipin na hindi gumagawa ng mga kongkretong solusyon na BY OURSELVES ANG NATURE ang mga tibak sa mga temporal na problema ng mamamayan. Iminumungkahi ko (iyan at iyan lamang ay kung seryoso ka talaga na saliksikin, pag-aralan, at unawain ang mga ways and means ng mga tibak) na pumunta ka sa mga organisasyong tulad ng KMU, KMP, at iba pa. Oo nanduon na ko na puros demonstrasyon at pagrarali lang ang alam mo/nyo kasi ito lang ang nakikita mo/nyo pag naglalakad ka sa kalsada at nakasalubong mo sila o kaya pag binuklat mo ang diyaryo o binuksan ang TV. Tol, there exist such animals as SHORT AND LONG TERM SOLUTIONS at meron ding SMALL AND BIG PROJECTS. Pero siyempre yung mga short term at small projects ay kadalasan ay di natin yan alam kasi never namang naha-high profile ng media. Bakit, tingin mo ba, pag-aaksayahan ng panahon at espasyo ng Inquirer o ng Channel 2 ang sewing cooperative project ng mga maralitang narelocate sa Erap City o kaya ang medical/dental mission ng mga tibak na doctor sa isang isolated community sa Mindoro? Duh??!!! Have you any idea how mass media works? Thing is, kung puros pagrarali lang ang alam gawin ng mga tibak, hindi na makikipagnegosasyon para sa isang CBA ang mga manggagawa o di kaya ay hindi na magsusulat ng mga tulang o kwentong makabayan ang mga progresibong manunulat na kabataan. Kung puro rali lang ang nasa utak nila, dyaske(!), sasabihin ko ngayon sa iyo na e di araw araw nasa Mendiola na lang ang mga hinayupak na tibak na ito at nagpapabasag ng bungo sa mga siraulong pulis dahil sa araw araw na lang na lalang ng Diyos ay palaging may isyu at problema ang abang bayang ito!

Ikalima, ang pagsosolusyon sa problema NG gubyerno o di kaya ang pagpapatupad ng programang agrarian reform ay totoo, isang bagay na masosolusyonan BY OURSELVES pero ULTIMATELY LIES WITH GOVERNMENT (Actually not government kasi STATE is the right term. Review your PolSci on the difference between the two.). Ha?! Ano kamo ang sinasabi ko?! Heto ang masalimuot na usapin at sigurado mag-aapoy ang tumbong mo at mapapakurap ang mata mo sa monitor. Gusto mo kamong i-"take" ang "agrarian reform "into our own hands"?" Ikaw sa palagay mo? Paano mo gagawin ang agrarian reform halimbawa sa metodolohiya ng BY OURSELVES mong kaisipan? Kahit kailan, sobrang napakadali maghabi ng motherhood statements pero pag hinamon mo nang magbigay ng detalye, ay sus poker face at kunot ng kilay lang ang sa iyo ay ibibigay. Pero sasagutin ko ang tanong ko na yan. If you have done your research (I would assume that you did or you are doing kasi ako hindi ako naniniwala (tulad ni Nanoy) na kung interesado ka naman sa bagay na ito ay hihintayin mo ang mga tibak na gawin nila para sa iyo ang bagay na ito. May parabula yata si Jose Rizal tungkol sa katam na naglalarawan dito.), and you are somehow aware of your current events, may mga grupong gumagawa ng agrarian reform sa ilang bahagi ng mga limot na probinsya ng bayang ito. Pero of course hindi pa ito yung pinamamahagi na talaga ang lupa sa mga magsasaka kasi hindi pa NILA kaya ito. May mga successful efforts na sa pagpapababa ng upa sa lupa at pagtataas sa halaga ng agri produce na nagawa. Bumabalik ito sa usapin ng short term at long term solutions. Ginagawa ang short term solutions ngayon sa abot ng makakaya pero yung long term (sa halimbawa ng agrarian reform ay yung actual land distribution) ay mangyayari lang pag naipanalo ang pakikibaka para sa pagbabago ng lipunan (I refuse to use the "R" word at baka ibookmark ang blog mo ng Echelon program ng CIA, hehehe). Pag pinag-aralan mo pa ang history ng mga tibak, malalaman mo na nuong panahon ni Makoy na malakas SILA, nangahas SILANG magdistribute ng lupa sa magsasaka pero ang nangyari ay hindi naman iniwan ng military/AFP ang baryo nila. Tas dahil pumalpak ito, mula 1987 hanggang 1991 naman, nahumaling ang mga tibak sa mga short term at small projects at nakalimutan nilang nagreREV pala sila. Ganito kasalimuot ang pagtitibak kaya't dahan dahan kaibigan sa mga pronouncements mo.

Ikaanim, at last na ito dahil sobrang haba na nito at patapos na lunchbreak ko, kung sinsero ka at gusto mo talagang pag-aralan at malaman ang mga solusyon na ito, irerekomenda ko sa iyo na basahin ang mga sumusunod na libro at pag natapos mo, magpost ka lang at saka usap ulit tayo:

Noli me Tangere / El Filibusterismo - Jose Rizal
Po-on / Tree / My Brother, My Executioner / The Pretenders / Mass - F. Sionil Jose
Mga Ibong Mandaragit - Amado V. Hernandez
Luha ng Buwaya - Amado V. Hernandez
Dangadang - Aurelio Agcaoili
The Mother - Maxim Gorky
The Dispossessed - Ursula Le Guin
The Left Hand of Darkness - Ursula Le Guin
Grapes of Wrath - John Steinbeck
Dr. Zhivago - Boris Pasternak
Fathers and Sons - Ivan Turgenev
Zen and the Art of Motorcycle Maintenance - R. Pirsig
Book of Embraces - Eduardo Galeano
Frankenstein - Mary Shelley
The Moon is a Harsh Mistress - Robert Heinlein
Fanshen - William Hinton

Akala mo ano seryoso?! Pero kung gusto mo magpakaseryoso, magbasa ka ng mga history books tulad ng mga sinulat ni Agoncillo, mga essays ni Renato Constantino, at shemps mga books ni Jomski Sison. Okei?


2.

Ilang mga dagling sagot sa mga tanong ni Nanoy:

ano na po bang aksyon ang ginawa para maiparating sa gobyerno o maging konkreto ang mga alternatibo ng mga tibak?

>>> Andami na parekoy. Rebyuhin mo na lang history mo kahit simulan na lang sa 1986, huwag nang isama yung unang lumusob sa Pinas ang mga Kastila. Pero kung hindi ka makuntento dito, marahil, baka ikaw MAYROON KANG ideya? Ishare mo naman! Hirap sa ating mga Pinoy, satsat nang satsat, ambibilis manghusga at magcriticize, pero pag hiningan na ng kongkretong mungkahi o advice, wala namang maibigay.

bakit parang wala namang tumatakbong tibak sa gobyerno? (bukod sa partylist)

>>> May tumatakbo sa level ng barangay, munisipyo, hanggang probinsya. May alam nga ako naging Vice Mayor sa Mindoro (pero pinatay na ng militar) tas recently yung isa naging governor pa ng Isabela. Pero kung iniisip mo yung President o Vice-P, parekoy medyo mahirap pang ambisyunin yun labas sa magastos. At kung executive branch naman ng government ang iniisip mo, mas lalong mahirap dun kasi dehins tumatakbo dun, kahit nagja-jogging ka lang, pag trip ka ng those in power, pwede kang iappoint anytime.

bakit hindi magkaisa ang mga tibak?

>>> Magkakaiba kasi ng pananaw sa politika tol.

At lastly, hindi lahat ng tibak galit sa coño. At least, hindi sila ever nagalit sa akin. Hehehe... Pero wag sana nating kalimutan na tao ang mga tibak at may mga personal na prehuwisyo at trippings din ang mga iyan.

nanoy said...

pasensya sa pagkakamali ng mga salitang nagamit ko. medyo ambiguous nga ang "PAGBEBENTA". pero sa konteksto ng kung ano ang MAAARING MANGYARI sa UP, wala ding pagkakaiba ang "PAGBEBENTA" sa "PAGPAPAUPA".

kung ang mga tulad siguro ng billboard ang mangyayaring pagpapaupa ng UP sa mga lupa niya, hindi naman siguro magproprotesta ang mga tibak. kung gagamitin ang lupa ng UP para magtayo ng mga housing projects, di rin siguro magiging matunog ang isyu. di naman nakukulong sa sinabi kong tayuan ng mga pasilidad pampaaralan ang mga lupa ng UP ang TAMANG PAGGAMIT ng mga lupa niya. madami pang iba, ngunit ang tanong, magiging TAMA ba ang magiging paggamit ng lupa kapag naipasa ang SB2587?

noong student's summit ay iniulat ng student regent ngayon ng UP ang balak na pagtatayo ng isang ECONOMIC ZONE sa sinasabi mong malawak na lupa ng UP sa bandang may itlog, sa banda ng central. ito mismo ang klase ng pagpapaupa na nilalabanan ng mga tibak.

para sa paglilinaw, ang mga ECOZONES ay mga lugar na kung saan maaaring maginvest ang mga dayuhang kumpanya upang gamiting lugar para sa pagproproseso ng kanilang mga kagamitan(halimbawa, computer chips), o himpilan ng kanilang mga manpower(sa kaso ng mga call center).

siguro maiintindihan mo kung bakit tutol kaming karamihan ng UP sa pagkakaroon ng ganitong mga klaseng establisimento sa UP. ikaw mismo ay hindi pumasok sa mga multinational na kumpanya.

at kung tunay na PAGPAPAUPA ang gagawin sa mga lupa, kailan titigil ang PAGPAPAUPA? sa iyong palagay, bibigyan pa ba ng nararapat na subsidiya ng pamahalaan ang UP kapag nalamang kaya na pala nitong tumayo sa kanyang sariling paa? di kaya mas bumaba pa ang subsidiya?

hindi naman simpleng kaso ng pagtatayo ng jollibee o mcdo ang PAGBEBENTA ng lupa ng UP. ang mali kasi ay hindi naman nagtadhana ng kahit anong LIMITASYON sa kung sino ang maaaring umupa.

tungkol naman sa STFAP. alam mo ba na walang trabaho ang mga magulang ng kaklase ko dati? walang ITR. pero bracket 9 siya ngayon. at magiging working student. bakit? dahil daw COMPUTER ang nagassign ng bracket nila. tama siguro ang hinala naming kapag galing ka sa private, bracket 9 ka agad. may isa pang kaso, kaklase ko ngayon sa arnis, walang trabaho ang parehong magulang, pero pinapag-aral siya ng tita nya, bracket 2 dati. pero nang bisitahin, naging bracket 9 dahil daw sa bahay nila. hindi naman sa kanila ang bahay, nakikitira lang sila pero tumaas pa rin ang bracket nya.

sapat bang sabihin na dahil kaya namang makapag-aral ng mga anak ng isang taxi driver ay wag na silang bigyan ng benepisyo? kailangan bang maging sobrang hirap ka para maging libre ang edukasyon?

oo, nasa STFAP ang problema. madami pa akong naririnig na kwento, halimbawa na lang sa soc sci2 namin, may nagkwento na tumaas ang bracket niya dahil lang sa isang BISIKLETANG PAMBATA. nasa STFAP ang problema, dahil nakabase ito hindi sa kung kaya bang mabuhay ng disente ng mga lumalahok dito, kundi sa kung kaya bang magbayad ng bracket 9 tuition.

ikaw na ang nagsabi na pinapabayaan na ng gobyerno ang ating sektor ng edukasyon. kung magkakaroon ng bracket 10, ano ang kaseguruhan na ang mga kayang magbayad lang ang mabibilang dito? sa tingin mo ba kapag nagkaroon nito ay hindi ako mabibilang sa bracket 10? tignan mo ang bahay natin, pang-bracket 10. ilan ang tv natin, component, sapatos, gitara. pero kaya ba nating bayaran ang 60,000? hindi.

tungkol naman sa sweldo ng mga titser at sa pagpondo ng mga researches, sasagutin ko muna sa tanong ulit: papayag ka ba na pondohan ng isang multi national company ang iyong research? alam mo namang di sa Pilipinas mapupunta ang credit at pakinabang ng iyong tuklas di ba? payag ka ba na swelduhan ka ng mga multinational na kumpanya?

mali din ang nasabi mo na isang "or" situation ang inihahayag ng mga tibak. isa siyang "and" situation. payag sila sa CHARTER CHANGE AND HIGHER STATE SUBSIDY, kung ang charter ay HINDI ang SB2587. ito naman mismo ang ipinaglalaban nila, ibasura ang SB2587; hindi ang wag magkaroon ng UP charter.

ang nakita ko lang na problema ay hanggang ngayon ay di sila makabuo ng panibagong charter dahil di sila magkasundo. may sariling bagong charter ang grupo ng SANLAKAS-ALYANSA, at may sarili din ang STAND-UP. syempre, ayaw nilang pumayag sa charter ng isa't-isa.

minsan nakakasama na talaga ang "political differences" na iyon. wala silang nararating eh.

yun lang muna!

nanoy said...

nakalimutan ko:

kung umaasa man tayo ng buong-buo sa state subsidy, dahil ito ang nararapat.

kung gustong umunlad ng pilipinas, kailangang maging edukado ang mga tao. at ang pinakamagandang paraan dun ay panatilihin ang NATURAL na estado ng edukasyon: LIBRE.

pagdating ko nga pala ng 3rd year magtuturo ako sa PCS ng libre(tuwing sabado lang naman). sama ka?

Paeng said...

hi, nanoy. e hindi mo pala ako kilala pa gaano. hindi ako pumasok sa multinational company hindi dahil sa multinational sila. hindi ako pumasok dahil ayaw ko ng corporate life. wala akong pakialam kung multinational yun o hindi. bakit?

kasi pag natapos ang lahat...ang paghhati ng mga bansa ay isang artificial creation lamang. tayo'y nabubuhay lang naman sa iisang mundo. maghahati-hati pa ba tayo...

extremist nationalism ang ugali na tututulan mo ang multinational. dahil wala naman silang masamang ginagawa. masama ba ang EcoZone? hindi. nagdadala ito ng trabaho. nakaka-cause ito ng technology transfer. napipigilan nito ang brain drain kasi imbis na lumabas ng bansa ang mga grad natin na walang mahanap na trabaho, dun na lang sa ecozone.

tutol ang karamihan sa UP sa charter change?

o tutol yung maiingay?

sa STFAP. kaya nga. pipigilan mo ang Charter Change dahil sa may mali sa STFAP? hindi naman masama ang charter change. ang masama ay yung implementation ng STFAP. bakit sa charter change binubunton ang hinaing. di ba dapat ang reklamuhan at tutukan ay yung kagaguhang nangyayari sa STFAP?

bracket 10 naman talaga tayo. pero hindi P60,000 ang pababayaran ng Bracket 10. malamang, P12,000 a sem lang.

(hindi pa nga nun kayang mambayad ng disente sa isang teacher na may pamilya!!!)

ewan ko ba. bakit ba kasi yung chart5er change ang pinagdidiskitahan, e STFAP naman pala yung problema...

papayag ba ako na swelduhan ng multinational na company?

kung ang ipaparesearch sa akin ay makakasama sa Pilipinas, e di wag!!! Bakit ko tatanggapin yun? e paano kung ang pinapa-research ay gamot sa AIDS? masama ba yun?

problema kasi, tinitingnan agad na masama ang gaagwin ng mga tao. na mapanlamang ang mga tao. na yung mga multinational ay masasama. LAHAT NG MULTINATIONAL MASAMA. magandang sweeping argument, napaka-persuasive. masama ang McDo. masama ang Coke. masama ang mga Hapon na gumagawa ng Anime na nangongontrata ng mga nagdo-drawing dito. masama silang lahat.

pero may ibubulong ako sa iyo.

sa lahat ng kumpanyang in-audit ko,lahat ng multinational nagbayad ng tamang buwis. yung lahat ng local, nandaya.

masama kasi ang mga multinational. bakit? just because they are multinationals.

-----------

nakakatawa, 'no? sa mga lugar na aking pinagtatrabahuhan, tibak na tibak ang tingin sa akin. pero dito pinamumukha akong demonyo ng mga tibak. hahaha!!!

masaya. malungkot din.

---------

ngayon sagutin ko naman yung na-misquote ako:

"Sasagutin ko yang tanong mo sa pamamagitan ng paggamit ng sarili mong post. Heto yun: "Activist protests are not active enough because under that set-up, THE ULTIMATE POWER TO SOLVE OUR PROBLEM STILL LIES WITH OUR GOVERNMENT." Pansinin mo na binold ko yung huling phrase ng entry. Una, para ipakita sa iyo na magulo pa ang isip mo dahil sa dulo ng parehong paragraph mo heto ang sinabi mo: "Let us act to solve our problems BY OURSELVES without asking intervention from a government that does not care in the first place." Pansinin mo na may nakabold diyan dahil IKAW ang may gustong bigyan ng emphasis ito. Ano ba talaga kaibigan? Government or Ourselves? Make up your mind."

Mr. Anonymous (ano ba pangalan mo), hindi mo naintindihan ang aking sentence. ang sinasabi ko, hindi active enough ang mga activists dahil they (i mean THE ACTIVISTS)work under the set-up na THE ULTIMATE POWER LIES WITH THE GOVERNMENT. ang solusyon ng mga tibak ang nag-aassume ng set up na yun, sa aking paniwala. at para sa akin, ang posisyon ko ay ang pagiging active ay solving the problem by OURSELVES. so yun. walang conflict. by OURSELVES talaga ang posisyon ko. bilang paglilinaw lang. :)

----------

bakit ako nagtuturo ngayon? para sa akin, ito ang aking pagpapaka-active na pagsolusyon sa problema ng lipunan. ang tinutugunan kong problema ay ang kawalan ng moralidad sa field ng business education, lalo sa mga accountant. Gusto kong tumulong sa pagsugpo nito, kaya aktibo akong nagtuturo. Gusto ko ring mamulat magkarron ng bagong POV ang mga estudyante. kaya nagtuturo ako...

Nakakalimutan na ng ating mga kababayan ang mga sining ng ating mga ninuno. kaya tumutugtog ako. Walang nagbabasa ng mga kalidad na komiks. Kaya nag-rereview ako.

Ewan ko ba. ganun kasi ako mag-isip. Pag may nakita akong problema, ako na ang gagawa ng paraan para masugpo o mabawasan man lang ang problema. talagang di ako naniniwala kasi na iaasa ko sa iba yung pagkilos kung ako naman ay may magagawa na.

kaya siguro nahihirapan akong makaintindi. kasi, mas naniniwala ako sa paggawa kaysa pagsasalita. yun na nga lang siguro.

Anonymous said...

Ako ulit:

Even if Strunk & White shudders at your composition, I won't go into arguments on semantics because, you said so, that "active" in that construct of yours refers to ... Bro, there's such a thing as omitting needless words. You could have said "Activist protests are not enough". But sans any intention that you may have had, my arguments remain. I have explained in details how political lobbying for changes work, or is done, at least from an activist's frame. Please reread the comment again. If you don't get the drift, oh well ...

One thing though about multinationals, they don't come to our shores to give jobs. It's the other way around. They invest here because we could do their jobs. In fact, our unemployment is so high so they have more than enough people to do their job. If you have read your Walden Bello (though I am not in agreement with much of his politics) book carefully, you would have learned that nothing captivates the multinationals more than the prospect of depressed wages arising from severe unemployment. You know China?

And there is nothing wrong working for a multinational, at least if you know where your sock and your mouth are. In this poverty-stricken nation, a job is a job is a job, unless you hold up so idealistically to your principles. I'm saying this because I work directly for "US imperialism". As in.

nanoy said...

nasabi na ni mr.anonymous ang konting side ko tungkol sa multinational companies. dadagdagan ko na lang.

alam kong kapos ako sa kaalaman tungkol sa pagbubuwis, ngunit madami-dami na ding magazine ng IBON facts and figures ang nabasa ko; at ayon doon sa mga nabasa ko, malaki ang ibinibigay na mga tax exemptions ng gobyerno sa mga multinational. nalaman ko doon na mayroon silang 4-year tax holiday. kailangan pa bang magtaka kung bakit tapat silang magbayad ng buwis?

sa halimbawa mo naman ng "gamot para sa aids". makakabuti nga ang pagtuklas mo noon, subalit hindi ba't kung sa ang nagpondo sa research mo ay isang multinational na kumpanya, sa kanila mapupunta ang credit? ang patent? di ba hindi sa Pinas pupunta? pero ano nga naman ang masama dun. nakatuklas ka ng lunas. pero lunas para kanino? para sa mga maykaya? dahil alam naman natin na HINDI MAPIPIGILAN NA PAGKAKITAAN ANG PINAGPAGURAN MO. Pilipino ang gumawa, pero hindi sa Pilipino mapupunta ang benepisyo.

At dahil hindi kikita kailanman ang Pinas kung patuloy na mapupunta sa multinational companies ang ani ng iyong saliksik, PATULOY TAYONG AASA SA MGA MULTINATIONAL COMPANIES.

pero syempre, babagsak tayo sa argumento na "iisa ang mundo natin". tama. iisa ang mundo natin, pero hindi ba't ang mismong mga ibang bansa ang lumalabag nito? di ba mas may tsansa na lumiit ang kahirapan ng Pilipinas kung hindi inabuso ng mga multinational na kumpanya ang kahinaan ng gobyerno?

siguro bago mapag-isa ang mundo, kailangan munang mapag-isa ang mga Pilipino.

naligaw na ang usapin, kaya ililihis ko ulit pabalik.


ano ba ang mangyayari kung gagalaw ka sa sarili mo? self-fulfillment dahil "at least, may nagawa ako"? hindi ba't masakit malaman na ang ginawa mo ay isang sobrang liit na bagay, na kung titignan ay singliit lang ng tuldok ang lawak ng kabuluhan nito? sapat na ba ang makagawa ng makabuluhan sa iilan lang?

di ba ang mas maganda ay habang gumagalaw ka para sa "self-fulfillment", kumikilos ka din para sa ikabubuti ng kabuuan?

hindi ba't ito ang ginagawa ng mga tibak?

may nakausap na naman akong tibak kanina. nasabi ko ang mga argumento na nailahad dito, at ang sabi lang niya: "dapat kasi tinitignan kami ng mas malalim. higit kami sa kung ano ang madaling makita".

siguro nga, tama siya. hindi PA natin lubusang mauunawaan ang mga tibak dahil ang katotohanan, hindi PA natin sila binibigyan ng sapat na pansin. puro presumpsyon ang ibinibigay natin dito.

ang nakikita ko lang talaga na mali ay ang "political differences". hahaha...

Paeng said...

salamat sa inyong dalawa. isa sa mga punto ng aking pagpost nito ay para mas mamulat. at marami akong natutunan nitong mga nakaraang araw. aking pinag-iisipan ang mga napag-usapan dito. salamat muli. :)