June 8, 2004

Paeng, the Starstruck Kid

God demmit!!! Kanina napadaan ako sa Comic Quest sa SM Megamall. Sa totoo lang, ayaw ko yung store na yun pero dahil nasa area na rin naman ako, dumaan na ako. Habang nagtitingin tingin ako, may kausap na lalake yung may-ari ng CQ na binibigyan niya ng malaking discount. E ako pa naman, mahilig makinig sa usapan ng may usapan. Nahagip ko na yung lalakeng ito ay nagdo-drawing daw pala ng American comic book. At ang pangalan niya, Neil.

Neil? Sinong Pinoy artist ang nagdo-drawing para sa isang American comic book company?

Tapos maya-maya, nahagip ko rin ang pangalang Gerry. Gerry? Gerry Alanguilan? Tapos pupunta daw siya sa San Diego para mag-autograph signing. Wow, bigtime pala. At gusto niya ang mga works ni Warren Ellis at gusto rin niya ang art ng bagong Conan comic book...

Connect the dots: Neil na pangalan. Friend ni Gerry Alanguilan. Bigtime na pupuntang San Diego. Warren Ellis. Conan...

Ang tanga mo, Paeng.

Hindi pala Neil. Kundi NIL. As in LeiNIL Francis Yu.

OMG!!! Isang henyo ang nasa harap ko. Ang Pinoy na nag-drawing ng Fantastic Four, Wolverine, X-Men at Superman. Tamang-tama, pwede ko siyang imbitahan para sa isang interview para sa aking pinagtatratrabahuhang web site, ang ComiX-Fan. Hihingin ko ang kanyang e-mail. Pwede ring humingi na lang ako ng autograph. Makipagkamay na lang kaya ako? Pwede ring...

Ay. Wala na siya. Umalis na.

Na-Starstruck ako. Syet.

1 comment:

Gerry Alanguilan said...

Natawa naman ako sa kwento mo Paeng! Ha! Ha! Pakita ko ke Nil.

:)