January 1, 2006

Civil disobedience

As of Jan. 1, 2006, 10:04 pm, mayoon nang 112,109 hits!!!

Siyempre hindi yan yung hits sa tambayan ko.

Yan yung number of hits sa wala pang isang buwan na naka-online na website ng nakatakas na Magdalo na si Nicanor Faeldon. Lumalabas na may average siyang hits na around 7,000 hits a day.

Sa dinami-dami ng nagbabasa sa kanyang web site, meron kaya siyang naiimpluwensiyahan? Meron kayang susunod sa kanyang panawagan para sa civil disobedience laban sa administrasyong kapit-tuko?

Kahit ako ay napapaisip. Epektibo kaya ang kanyang pinapanawagan na paraan? Sa kapal ng balat ni GMA, maaapektuhan pa ba siya ng civil disobedience?

OK lang bang mag-engage ako dito gayong ako ay nasa isang sensitibong posisyon bilang teacher na malakas ang impluwensiya sa mga kabataan? Pero may mali nga ba sa civil disobedience kung ang batas naman ay ginagamit ngayon para sa ikabubuti ng iilang namumuno? Pero ang susunod na tanong din...tama bang ang perversion ng batas ay lalabanan ko ng pagsuway naman sa batas?

Kung mag-civil disobedience naman kaya ako, sa paanong paraan? Naalala ko yung sinabi dati ni Conrad de Quiros na civil disobedience by refusing to pay taxes. Pero paano ko gagawin yun ngayong kinakaltas na ang buwis sa aking sinsuweldo? Yung VAT naman, automatic nang ipinapatong sa aking mga binibili. Parang hindi yata magiging epektibo.

Ang hirap sagutin. Kailangang pag-isipan ito nang mabuti.


civil disobedience


Image ay mula sa National Conference on Organized Resistance

1 comment:

pedrong_pintor869 said...

MABUHAY KA KAPITAN!!! KA PAENG, ANO KAYA'T MAG-FUND DRIVE KA D2 PARA KAHIT PAPANO'Y MAY MAITUTULONG TAU KAY FAELDON....