June 22, 2009

Tamang pagsasala o elitismo?

Nung accounting research class ko, isang grupo ang gumawa ng comparative analysis ng mga passing percentages ng iba't ibang licensure exams sa Pilipinas. Lumalabas sa kanilang pag-aaral ng multi-year figures na ang CPA board exam ang consistent na may pinakamababang passing percentage. Talo pa ang medical exam at ang bar exam. Sa CPA board, mataas na ang 30% national passing percentage.

Mahina ba ang accounting education sa Pilipinas kaya halos tatlo lang sa kada sampung kumukuha ng exam ang pumapasa? Naalala ko na ni-raise ng isang representative ng CHED ang puntong ito sa isang workshop ng Association of CPAs in Education na aking dinaluhan ilang taon ang nakakaraan. Sabi ng ilang mga accounting educators doon, hindi daw tamang conclusion iyon. Dapat nga daw matuwa pa ang CHED dahil talagang mahigpit ang exam ng propesyon namin kaya salang-sala ang mga nakakakuha ng lisensya. Para sa maraming CPAs sa workshop na iyon, isang source of pride pa ang kababaan ng passing percentage sa board exam.

Sa tingin ko, ang CPA licensure exam sa Pilipinas ay overkill. Ilang taon na rin akong nagtuturo at nakita ko naman na maayos ang pagtuturo sa maraming university sa U-Belt. Maraming estudyante ang kapag sinabak mo sa OJT, natutuwa ang mga employers kasi marunong at madaling makuha kung ano ang gagawin sa corporate accounting work at kahit sa audit. Nagtataka nga lang ako na itong mga estudyanteng ito, na pasado sa standards ng mga potential employers, ay di pasado sa standards ng BOA. E di ba ang standards ng BOA ay galing naman sa analysis ng needs ng industriyang pagtatrabahuhan ng mga CPA?

May isang unibersidad sa U-Belt na tinitingala ngayon sa taas ng passing percentage pero ano ba ang susi sa kanilang "achievement"? Intensive marketing strategies to get the best high school students to enroll. Battery at qualifying exam. And getting CPA exam reviewers to teach para makakapagbigay na ng tip kung paano magsagot ng multiple choice questions. My apologies to schools who get high passing percentages, pero ang tunay na nagiging labanan ngayon sa pataasan ng performance sa board exam ay hindi naman talaga sa pagalingan ng pagtuturo. Ang labanan ngayon ay sa pagalingan ng pagrerecruit at paglalagas ng estudyante. Para tumaas ang passing percentage ng eskuqwelahan, kailangang mapapagraduate lamang ng university yung mga taong sobrang taas lang ng IQ na kayang ipasa ang isang exam na hindi naman talaga nasusukat kung handa ang isang tao na maging CPA.

For the past couple of years, I have been handling a unit kung saan ako lang ang CPA. Lahat ng staff ko hindi CPA. Pero hindi ko ipagpapalit ang mga staff kong ito na magaling at maabilidad (we don't have any disallowed expense so far, kahit piso, sa aming multi-million peso project) para lang sa isang CPA kuno na alam sagutin sa exam kung ano ang diluted earnings per share pero kapag nagfi-field work na ay nakatunganga lang dahil di alam kung ano ang kanyang gagawin.

The CPA board exam is an exam that is undemocratic and elitist. Marami namang tao na kayang gawin ang ginagawa ng mga public accountant pero hindi makakuha ng lisensya dahil lang sa letseng exam na naglalaman ng maraming tanong na di naman nagagamit sa actual practice at kung saan inaakala na ang abilidad na magsagot ng one-item question na half-page ang haba ay sign ng katalinuhan. Kung gusto nilang malaman kung relevant ba ang mga tanong sa board exam, ipasagot nila ang exam sa isang CPA na nasa actual practice na. Sinubukan ko dati iyan at ang resulta ay parang gusto kong ipabawi ang lisensya ng mga nagsisagot.

Ang BOA kaya, kayang sagutan ang CPA board exam?

Dapat i-review ang CPA board exam preparation process. It is closing doors of opportunities for people who CAN DO the work required just because of a misguided principle that making the profession an exclusive club is a good thing. Is the board exam really measuring whether an individual can do the work of a public accountant? Or is it just a tool to increase the "market value" of the profession?

5 comments:

Anonymous said...

share ko lang na there are schools na naglalagas for a reason. hindi dahil hindi magaling ang pagtuturo o magaling lang ang pinapapasok. it is simply, dahil accounting is not for them. unlike most courses that can be successfully surpassed either with hardwork or sheer skill. for you to pass accounting, you must have both the logical skills and hardwork.

Anonymous said...

Ang pagkakaroon ng lisensya bilang CPA ay hinde nangangahulugan na ikaw ay matalino at ang hinde pagpasa nito ay hinde ibig sabihin na ikaw ay bobo, panapanahon lang siguro yan.......

Hi Sir lumalabas nag pagkatibak natin ah...Yan si sir Paeng ang dati kung guro na eskolar ng bayan.

Anonymous said...

Tama ka sir! My current boss is not a CPA but his talent and capabilities is more than of a CPA...

Anonymous said...

i agree po sa punto mo.. I remember this auditing firm where we conducted training.. nung tinanong ko yung manager kung ilan ang CPA nila, she said 2 lang daw.. and even my friend said dun sa unang pinagtrabahuhan niya na auditing firm, kakaunti lang CPA.. Alas.. okay naman yung mga companies na yun and their managers are really happy with their employees..

pag binago kaya nila yung style and content ng exam.. pwede pa kaya akong maging CPA.. (hehe)

Anonymous said...

Ano po ba ang nakaka apekto sa qualifying examinations ng mga estudyante? .. bat konti lang talaga ung nakakapasa sa quali ng pang CPA? . sa estudyante ba talaga ang problema?
paki sagot please. salamat po